பிரபல நடன ஆசிரியை மரணம்

தமிழக முதலமைச்சர் ஜெயலலிதா, நடிகர் கமல்ஹாசன் உட்பட பலருக்கு நடனம் கற்றுக் கொடுத்த நடன ஆசிரியை கே.ஜே.சரஸா மரணமடைந்தார்.

சென்னை மந்தவெளியில் சரசாலயா என்ற பெயரில் நடனப்பள்ளி நடத்தி வந்தவர் நடன ஆசிரியை சரஸா. நடனத்தில் சிறந்து விளங்கும் உலக நாயகன் கமல்ஹாசனின் ஆரம்பகால நடன ஆசிரியையாக திகழ்ந்தவர் சரஸா. பிரபல நடன ஆசிரியர் ரகுராம், பரத நாட்டியத்தில் சிறந்து விளங்கும் நடிகை ஷோபனா, நடிகை சொர்ணமால்யா ஆகியோருக்கு நடனம் கற்றுக் கொடுத்த பெருமையும் அவருக்கு உள்ளது. உடல்நலக்குறைவு காரணமாக மருத்துவமனையில் அனுமதிக்கப்பட்ட சரஸா, சிகிச்சை பலனின்றி நேற்று(2.1.2012) மரணமடைந்தார். சரஸா கடைசி வரை திருமணமே செய்து கொள்ளவில்லை, தனது தங்கை சீதாவின் மகள் ராஜலட்சுமியை தத்தெடுத்து வளர்த்துள்ளார் என்பது குறிப்பிடத்தக்கது.