ஏ.ஆர்.முருகதாஸ் இயக்கத்தில் மீண்டும் ரமணா

தமிழ் திரையுலகில் புரட்சிக் கலைஞர் விஜயகாந்த் நடிப்பில் வெற்றி பெற்ற ரமணா திரைப்படத்தை இந்தியில் ஏ.ஆர்.முருகதாஸ் இயக்க உள்ளார்.

கொலிவுட்டில் கடந்த 2002 ம் ஆண்டு ஏ.ஆர்.முருகதாஸ் இயக்கத்தில் புரட்சிக் கலைஞர் விஜயகாந்த் நடிப்பில் வெளிவந்த திரைப்படம் ரமணா. ரமணாவில் கல்லூரி பேராசிரியரான விஜயகாந்த் லஞ்சம் வாங்கும் அதிகாரிகளை தண்டிக்கிறார். இந்த விடயம் சமூகத்தில் என்ன மாற்றங்களை ஏற்படுத்துகிறது என்பதை பரபரப்பாக ஏ.ஆர். முருதாஸ் சொல்லியிருந்தார். இதையடுத்து ரமணாவின் தெலுங்கு ரீமேக்கில் சீரஞ்சிவி நடிக்க அங்கும் வரவேற்பைப் பெற்றது. தற்போது ரமணா இந்தி ரீமேக் உரிமையை சஞ்சய் லீலா பன்சாலி வாங்கியுள்ளார். இந்தி ரமணா ரீமேக்கில் விஜயகாந்த் வேடத்தில் ஷாருக்கான் நடிக்க இருக்கிறார். இளையதளபதி விஜய் நடிக்கும் துப்பாக்கி படத்தினை முடித்தவுடன் இப்படத்தினை ஏ.ஆர்.முருகதாஸ் இயக்கலாம் என்று தெரிகிறது. ஏ.ஆர்.முருகதாஸ், நானும் ஷாருக்கானும் இப்படம் குறித்து ஏற்கனவே பேசி இருக்கிறோம். நான் ரமணா இந்தி ரீமேக்கை இயக்க இருக்கிறேன் என்றும் கூறியுள்ளார்.