அஜீத் நடித்த மங்காத்தா திரைப்படத்தின் மொத்த வசூல் 130 கோடி: சன் பிக்சர்ஸ்

தமிழ் திரையுலகில் சன்பிக்சர்ஸ் நிறுவனம் தல அஜீத், திரிஷா நடித்து வெற்றிபெற்ற மங்காத்தா திரைப்படம் 130 கோடி ரூபாய் வசூல் செய்ததாக அறிவித்துள்ளது.

தமிழ் திரையுலகில் தல அஜீத், நாயகி த்ரிஷா, அர்ஜுன்,ஆண்ட்ரியா, அஞ்சலி ஆகியோர் நடித்த மங்காத்தா திரைப்படம் மிகப்பெரிய வெற்றிபெற்றது. இத்திரைப்படத்தை வெங்கட்பிரபு இயக்க, யுவன் ஷங்கர் ராஜா இசையமைத்தார். சமீபத்தில் கூகுள் வலைதளத்தில் ரசிகர்களால் அதிகமாக தேடப்பட்ட வரிசையில் மங்காத்தா திரைப்படம் 7வது இடத்தை பிடித்துள்ளது. ஆரம்பத்தில் மங்காத்தாவின் வசூல் சாதனையை சன்பிக்சர்ஸ் நிறுவனம் சொல்ல மறுத்தாலும், தற்போது மங்காத்தாவின் மொத்த வசூல் 130 கோடி ரூபாய் என்று அறிவித்துள்ளது. இந்த விடயத்தால் படக்குழுவும், அஜீத் ரசிகர்களும் சந்தோஷமடைந்துள்ளனர். இதையடுத்து தல அஜீத் நடிக்கும் பில்லா-2 திரைப்படத்தின் உரிமையை சன் பிக்சர்ஸ் நிறுவனம் வாங்க போட்டி போடுவதாக தகவல் வெளியாகியுள்ளது.