கதாநாயகர்களிடம் வயது வித்தியாசம் பார்க்க மாட்டேன்: திரிஷா

திரைப்படத்தில் தன்னுடன் நடிக்கும் கதாநாயகர்கள் வயதானவரா, இளையவரா என்ற பாகுபாடு பார்ப்பதில்லை என்று நாயகி திரிஷா கூறியுள்ளார்.

கொலிவுட்டில் மங்காத்தா வெற்றிக்குப்பிறகு நாயகி திரிஷா தமிழ், தெலுங்கு மொழிகளில் உருவாகும் திரைப்படங்களில் நடித்து வருகிறார். தமிழில் விஷாலுடன் சமரன் திரைப்படத்திலும், தெலுங்கில் ஜூனியர் என்.டி.ஆருடன் நடித்து வருகிறார். சமீபத்தில் நடந்த பத்திரிக்கையாளர்கள் சந்திப்பில் வயதான நாயகர்களுடன் நடிப்பீர்களா? என்ற நிருபர் ஒருவரின் கேள்விக்கு, நான் எப்போதுமே கதையில்தான் கவனம் செலுத்துவேன். கதாநாயகர் வயதானவரா, இளையவரா என்று கவலைப்படுவது இல்லை என்று தெரிவித்துள்ளார். கொலிவுட்டில் விண்ணைத்தாண்டி வருவாயா படத்தில் திரிஷா தன்னை விட வயது குறைந்த சிம்புவுடன் ஜோடியாக நடித்துள்ளது குறிப்பிடத்தக்கது.