திருமணத்திற்கு தயாராகும் தமன்னா

தெலுங்குப் படங்களில் நடித்துவரும் தமன்னா, தற்போது தமிழ்ப் படங்களில் நடிப்பதற்கு ஆர்வத்துடன் இருக்கிறார்.

கொலிவுட்டில் சூர்யாவுடன் அயன், விஜய்யுடன் சுறா, கார்த்தியுடன் பையா, சிறுத்தை, தனுசுடன் வேங்கை உள்ளிட்ட பல படங்களில் நடித்துள்ளார். அதன் பிறகு தமிழ் பட வாய்ப்புகள் வரவில்லை. தற்போது தெலுங்கில் ராச்சா, எந்து கன்டே பிரேமந்தா, ரிபெல் போன்ற தெலுங்கு படங்களில் நடித்து வருகிறார். மேலும் இப்படங்களை முடித்து விட்டு தமிழில் நடிக்க, ஆர்வம் காட்டிவருகிறார். இந்நிலையில் தமன்னாவுக்கு இந்திப் படங்களில் நடிக்க வாய்ப்புகள் வந்துள்ளன. ஆனால் இந்தியில் நடிக்க மறுத்து விட்டதாக கூறப்படுகிறது. மேலும் நாயகி தமன்னா, படங்களில் நடிப்பதை குறைத்து வருவதாகவும், திருமணத்துக்கு தயாராகி வருவதாகவும் தகவல்கள் வெளியாகியுள்ளன.