இலியானா தான் எங்களுக்கு கதாநாயகி: பாலிவுட் கதாநாயகர்கள்

நண்பன் பட வெற்றியைத் தொடர்ந்து இலியானாவை தங்களுக்கு கதாநாயகியாக்கிவிட வேண்டும் என்று பாலிவுட் கதாநாயகர்கள் எதிர்பார்த்து வருகிறார்கள்.

தெலுங்கில் முன்னணி நடிகையாக இருக்கும் இலியானாவுக்கு ஹிந்தித் திரையுலகில் இருந்து அழைப்பு வந்தவண்ணம் உள்ளது. நடிகர் அக்ஷய்குமார் அடுத்து நடிக்க உள்ள கிலாடி 786 படத்தில் இலியானாவை ஒப்பந்தம் செய்யவுள்ளதாக செய்திகள் வெளியாகியுள்ளன. எவ்வளவு சம்பளம் கேட்டாலும் பரவாயில்லை, இலியானாவை எப்படியாவது ஒப்பந்தம் செய்யுங்கள் என்று தயாரிப்பாளரிடம் கூறியுள்ளார் அக்ஷய் குமார். இதேபோல் நடிகர்கள் இம்ரான்கான், அஜய் தேவ்கன் ஆகியோரது விருப்பப் பட்டியலிலும் இலியானா இடம்பிடித்துள்ளார். இது குறித்து இலியானா கூறியதாவது, பாலிவுட்டில் பல வாய்ப்புகள் வந்தாலும் தெலுங்குத்திரையுலகை நான் விட்டு விலகுவதாக இல்லை. இப்போதைக்கு அடுத்த ஓராண்டுக்கு என்னுடைய திகதிகள் நிரம்பியுள்ளது. அதன் பிறகு பார்க்கலாம் என்று ஹிந்திப்பட அதிபர்களிடம் அவர் கூறியுள்ளார்.